काठमाडौं, ४ असोज ।काठमाडौं उपत्यकाको पाँचवटा स्कुलमा शृंखलाबद्ध रूपमा विस्फोट गराउने योजनासहित कुकर बम राखिएको फेला परेको छ । जसमध्ये दुईवटा स्कुलमा बम विस्फोट भएको छ ।
बौद्धको दक्षिण ढोकास्थित मनकामना, आकाशदीप, राई स्कुल, ललितपुरको रेडियन्ट स्कुल र डल्लुस्थित कञ्चनजंगा स्कुलमा कुकुर बम राखिएको हो । कञ्चनजंघा स्कुल एमाले नेता प्रदीप नेपालले सञ्चालन गरेका हुन् । मनकामना र आकाशदीप स्कुलमा भने बम विस्फोट गराइएको छ । विस्फोटबाट स्कुलमा सामान्य क्षति पुगेको प्रहरीले जनाएको छ ।
अखिल नेपाल स्वतन्त्र विद्यार्थी युनियन केन्द्र र योङ कम्युनिस्ट फोर्स लेखिएको पर्चा भेटिएकाले घटनामा उनीहरूकै संलग्नता रहेको अनुमान गरिएको काठमाडौं प्रहरी प्रमुख एसएसपी विक्रमसिंह थापाले जानकारी दिए । दुवै संगठन नेत्रविक्रम चन्द नेतृत्वको नेकपा (माओवादी) निकट रहेको बताइन्छ ।
Loading...
