यौन सम्वन्धले मानिसलाई शारीरिक र आत्मिक सन्तुष्टी प्रदान गर्दछ । तर कहिलेकाहीँ यो पीडादायी पनि भइदिन्छ ।
यौनसम्वन्ध राख्दा तौरतरिका मिलेन भने यसमा संलग्न जोडीले वास्तविक मज्जा लिन सक्दैनन् । एउटा नयाँ अनुसन्धानले के पत्ता लगाएको छ भने प्रत्यक १० जना महिलामा एक महिलाले यौन सम्पर्कका क्रममा पीडाको अनुभव गर्छिन् ।
अनुसन्धानमा संलग्न रोयल कलेज अफ अब्सटेटि्रसियन्स तथा गाइनोकोलोजिस्टका एडी मोरिस भन्छन्, ‘चिन्ता र हडवडीले गर्दा यौनसम्वन्ध कष्टप्रद भइदिन्छ । त्यसैले तपाईंको यौन जीवनमा आमूल सुधार आवश्यक छ ।’ पहिलोपटक सेक्सको अनुभव लिइरहेका १६ देखि २४ वर्षका युवतीहरुलाई उनी यस्ता सल्लाह दिन्छन्ः
१. कुरा गर्नुस
यदि पार्टनरहरुले यौनसम्वन्धबाट फरक-फरक आशा राखेका छन् र उनीहरुको रुची एकै प्रकारको छैन भने यौनसम्वन्ध पीडादायी हुनसक्छ । आफ्नो पार्टनरसँग भावनात्मकरुपमा जोडिनु महत्वपूर्ण छ किनकी त्यतिबेला तपाईंहरु कुनै पनि विषयमा खुलेर कुरा गर्न सक्नुहुन्छ । खुलापन, सेक्सको विषयमा कुराकानी, पुरा समय लिनु र निकटताको मजा लिनुले यौनसम्वन्ध प्रभावकारी बनाउन सहयोग गर्छ ।
२. निरोधका बारेमा चर्चा
यौन संक्रमक रोग र गर्भवती हुने चिन्ताका कारण पहिलो पटकको सेक्समा उति मजा नआउन सक्छ । यस्तो चिन्ता विशेषत केटीहरुलाई हुन्छ । यस विषयमा दुवैले राम्ररी कुरा गरेको खण्डमा अतिउत्तम हुन्छ । जुन गर्भनिरोधक तपाईंहरु दुवैले प्रयोग गर्न जाँदै हुनुहुन्छ, त्यसलाई लिएर आश्वस्त हुनुस र कन्डमको प्रयोग गर्नुस । यसबाट तपाईंहरु रिल्याक्स मुडमा सेक्सको मजा लिन सक्नुहुनेछ ।
३. चिन्ताबाट जोगिनुस
यदि पिडादायक सेक्स एक वा दुईपटक हुन्छ भने यसबाट आत्तिइहाल्नु पर्दैन । यसबारे चिन्ता नलिइकन अर्कोपटक बढिभन्दा बढि मजा लिने सोच राख्नुस । यदि सेक्सका क्रममा निरन्तर पिडा भइरह्यो भने डाक्टरको परामर्श लिनुपर्छ । ताकि पीडाको अरु कुनै कारण छ भने त्यो पत्ता लगाउन सकियोस । बीबीसीबाट
Loading...
