धनकुटा । नेकपा माओवादी केन्द्रका पोलिटब्युरो सदस्य हेमराज भण्डारीले राजतन्त्र फर्काउने चलखेल सुरु भएकाले यसमा सचेत हुन जरुरी रहेको बताएका छन । अनेरास्ववियु क्रान्तिकारी जिल्ला सम्मेलन आयोजक समिति धनकुटाले धनकुटा बहुमुखी क्याम्पसमा गरेको विद्यार्थी जागरण अभियान अन्तर्गत प्रशिक्षण कार्यक्रममा बोल्दै भण्डारीले त्यस्तो बताएका हुन । क्रान्तिकारी एकतालाई सुदृढ गर्दै व्यापक रुपमा संगठन विस्तार गर्नुपर्ने बताउँदै पूर्व सभासद समेत रहेका भण्डारीले काङ्ग्रेस, एमाले संघीयता बिरोधि भएकोले माओवादी केन्द्र भन्दा बाहिर रहेर देशको परिवर्तन सम्भव नभएको बताएका छन । आफैबाट सुरु भएर देश बदल्नु पर्ने त्यसमा विद्यार्थीबाट यो कार्यको सुरुवात हुनुपर्ने उनको भनाइ छ ।
अनेरास्ववियु क्रान्तिकारी धनकुटा सम्मेलन आयोजक समितिका संयोजक इन्द्र बिष्टको अध्यक्षतामा सम्पन्न कार्यक्रममा स्वागत मन्तव्य अनेरास्ववियु क्रान्तिकारी एक नम्बर प्रदेश जनजाति इन्चार्ज सत्यदिप राईले राखेका थिए भने कार्यक्रमको सञ्चालन अनेरास्ववियु क्रान्तिकारी धनकुटा सचिव पदम रखालले गरेका थिए ।
Loading...
